AZƏRBAYCAN MİLLİ ELMLƏR AKADEMİYASININ “SOSİAL ELMLƏR JURNALI”NA TƏQDİM OLUNAN MƏQALƏLƏR ÜÇÜN TƏLƏBLƏR

1. “Sosial Elmlər Jurnalı” orijinal elmi tədqiqatların nəticələrini və elmi yenilikləri təqdim edən, elmi və praktiki əhəmiyyət kəsb edən məqalələri dərc edir.
2. Məqalələr, rəylər və digər materiallar Azərbaycan, rus və ya ingilis dillərində elektron poçt vasitəsilə [email protected]  ünvanına təqdim edilə bilər.
3. Məqalə yalnız müvafiq elmi və ya ali təhsil müəssisəsinin şöbəsində (kafedrada) aparılan müzakirələr nəticəsində müsbət qiymətləndirildikdən sonra dərc üçün tövsiyə edilə bilər. Müəllif redaksiyaya Elmi Şuranın iclas protokolundan çıxarış təqdim etməlidir.
4. Redaksiyaya təqdim olunan hər bir məqalə müəllifin ixtisas sahəsi üzrə iki anonim ekspertə rəy üçün göndərilir. Qiymətləndirmə prosesində iki müsbət rəy alan məqalələr dərc üçün qəbul edilir.
5. Məqalənin həcmi 8–12 səhifə olmalıdır (şəkillər, cədvəllər, qrafiklər, əlavələr, ədəbiyyat siyahısı və xülasələr daxil olmaqla). Mətn Times New Roman, 12 punkt, tək sətir aralığı ilə yazılmalıdır.
6. Hər bir məqalədə UOT indeksi və açar sözlər göstərilməlidir. Açar sözlər məqalənin dilində və iki əlavə dildə (xülasələrdə) təqdim edilməli və ən azı beş termindən ibarət olmalıdır.
7. Məqalədə istifadə olunan bütün mənbələr və ədəbiyyat əsas mətndən sonra ayrıca bölmədə “Ədəbiyyat” başlığı altında göstərilməlidir. Mənbələrə istinadlar və biblioqrafik təsvirlər APA (American Psychological Association) beynəlxalq standartına uyğun hazırlanmalıdır (https://apastyle.apa.org/ ). Mənbələrdə müəllifin soyadı, nəşr ili, əsərin adı, nəşriyyat məlumatları və digər zəruri biblioqrafik məlumatlar göstərilməlidir. Elektron resurslara istinad edərkən URL və giriş tarixi göstərilməlidir.
8. Ədəbiyyat siyahısından sonra məqalənin xülasəsi yerləşdirilməlidir. Azərbaycan dilində yazılmış məqalələr üçün xülasələr əvvəlcə ingilis, sonra rus dilində verilməlidir; rus dilində yazılmış məqalələr üçün xülasələr əvvəlcə azərbaycan, sonra ingilis dilində təqdim olunmalıdır. Hər xülasənin əvvəlində məqalənin adı, müəllifin adı və soyadı, müəllifin işlədiyi müəssisə və ölkə göstərilməlidir. Fərqli dillərdəki xülasələr bir-birinə uyğun olmalı və məqalənin məzmununu dəqiq əks etdirməlidir. Xülasədə müəllifin əldə etdiyi elmi nəticələr, işin yeniliyi və praktiki əhəmiyyəti qısa şəkildə göstərilməlidir. Xülasənin həcmi 150–250 söz olmalıdır.

Qeydlər:

• Tələblərə uyğun olmayan və ya ciddi elmi və ya qrammatik səhvlər ehtiva edən məqalələr dərc olunmayacaq.
• Redaksiyaya təqdim olunan əlyazmalar müəlliflərə geri qaytarılmır.
• Redaksiya mətnə redaktə dəyişiklikləri və ixtisarlar etmə hüququnu özündə saxlayır.
• Redaksiya heyəti məqalənin elmi məzmununa, faktların düzgünlüyünə, irəli sürülən arqumentlərə və müəllifin nəticə və şərhlərinə görə məsuliyyət daşımır. Məqalədə ifadə olunan baxışlar və fikirlər yalnız müəllifə məxsusdur və redaksiya heyətinin rəsmi mövqeyini əks etdirmir.